Python. Ծրագրավորում 0-ից : Կարո Հակոբյան

Գիրքը ծրագրավորման հիմունքները Python լեզվի միջոցով սովորեցնելու ուղեցույց է՝ նախատեսված աշակերտների, ուսանողների, բոլոր նրանց համար, ովքեր ցանկանում են սովորել ինքնուրույն` առանց հավելյալ օժանդակության։ Կսովորեք ծրագրավորման ամենապարզ հասկացությունները, կսովորեք մտածել ինչպես ծրագրավորող՝ ինչպես մոտենալ հարցին և ինչպես լուծել խնդիրներ։ Կծանոթանաք տարբեր տիպի տվյալների, թե ինչպես են դրանք աշխատում և ինչպես են կապվում ֆունկցիաների (գործառույթների) հետ։ Կգրեք ձեր առաջին ծրագիրը, որից հետո կծանոթանաք Python-ի ստանդարտ գրադարանին, հիմնական սկզբունքներին, դասերին, օբյեկտներին, ժառանգականության գաղափարին։ Առաջադրանքների համար գիրքը չի առաջարկում լուծումներ, քանի որ չկա լուծման միակ ճիշտ տարբերակ։ Ցանկացած խնդիր, անկախ բարդությունից, կարող է ունենալ բազմաթիվ լուծումներ։ Դուք պետք է գրեք կոդեր, փորձարկեք դրանք և ձախողվեք։ Այո՛, ձախողվե՛ք և սովորե՛ք ձեր իսկ ձախողումներից։ Կարո Հակոբյանը ծնվել է 1952 թ. Իրանում։ Ավարտել է Թեհրանի պետական համալսարանի մաթեմատիկայի և համակարգչային գիտությունների բաժինը։ Ուսումը նույն ուղղությամբ շարունակել է Ուփսալայի համալսարանում։ Ավելի քան 25 տարի շվեդական կրթական համակարգում դասավանդել և աշխատել է որպես համակարգչային գիտությունների և ծրագրավորման մասնագետ։ Նրա հեղինակությամբ 2024 թ.-ին լույս է տեսել "JAVA" ծրագրավորման հիմունքների ձեռնարկը՝ բազմածավալ և ամփոփ տարբերակներով։