Լոտո կենդանիներ

Տրամաբանակ և զարգացնող խաղ կենդանիներ

Լոտոն բաղկացած է 12 մեծ քարտերից (յուրաքանչյուրում 8-ական նկար), 96 փոքր քարտերից, որոնցում պարունակվում են հարցեր(այդ հարցերի նկարազարդ պատասխանները տեղադրված են մեծ քարտում), ինչպես նաև 24 տուգանային քարտերից, որոնք բաժին են հասնում սխալ պատասխանողներին:

Լոտո կարող են խաղալ 3-ից մինչև 13 խաղացող, ընդ որում՝ նրանցից մեկը դառնում է խաղավար, իսկ մյուս խաղացողները վերցնում են հավասար քանակությամբ մեծ քարտեր: Օրինակ՝ եթե խաղավարից  բացի, խաղացողները 6-ից ավել են, ապա յուրաքանչյուրը վերցնում է մեկական մեծ քարտ, եթե 6-ից պակաս են՝ երկուական մեծ քարտ:

Խաղավարի պարտականությունն է՝ հերթով քաշել փոքր քարտերը և ընթերցել նրանում գրված հարցերը: Այն խաղացողը , ում մեծ քարտում կա այդ հարցի պատասխանը, հնչեցնում է հարցի պատասխանը և հարցի քարտը տեղադրում իր մեծ քարտի վրա՝ նկարազարդ պատասխանի տեղում: Խաղավարը ստուգում է պատասխանի ճշտությունը, սխալ պատասխանի դեպքում խաղացողը ստանում է 1 տուգանային քարտ, եթե խաղացողներից  որևէ մեկը չգիտի հնչած հարցի պատասխանը , որը գտնվում է իր մեծ քարտում, ապա նունպես վաստակում է 1 տուգանային քարտ

Հաղթում է նա, ում ճիշտ պատասխաններն ավելի շատ են կամ ով ավելի շուտ է ծածկել  իր մեծ քարտի բոլոր նկարները: Յուրաքանչյուր ճիշտ պատասխան համարվում է 1 միավոր, որոնք գումարվում են իրար, 1 միավոր է համարվում նաև տուգանային քարտը, որը հարկավոր է հանել խաղացողի ճիշտ պատասխանների թվից: