Երգող ամպը | Մանկական բանաստեղծություններ : Հրաչ Բեգլարյան

«Երգող ամպը» ժողովածուն ամփոփում է հեղինակի շուրջ ինը տասնյակ մանկական բանաստեղծություններ: Հերոսները աշխարհին նայում են մանկան աչքերով, երևույթները տեսնում և դրանց արձագանքում են իրենց հատուկ անմիջականությամբ: Նրանք սիրված են ու նույն սիրով են պատասխանում բոլորին: Հերոսների համար նույնքան սիրելի ու հասկանալի են թե՛ մարդիկ, թե՛ կենդանիները, թե՛ թռչուններն ու բույսերը: Մանուկ ընթերցողը ուսանելի ու հարազատ շատ բան կգտնի Հ. Բեգլարյանի բանաստեղծություններում:

Հրաչ Բեգլարյանը ծնվել է Լոռու մարզի Լեռնավան գյուղում: Պատմական գիտությունների թեկնածու է: Երկար տարիներ աշխատել է հանրապետության տարբեր դպրոցներում ու բուհերում: Նրա ստեղծագործությունները թարգմանվել են ռուսերեն, անգլերեն, ֆրանսերեն, շվեդերեն, վրացերեն, ուկրաիներեն և այլ լեզուներով: